ኩሉ ግዜ’ባ ንሓምብስ!

ክትበቂ ሲ!
ካብ እንላለ ብደገ ደጌና

ዓራት ከይበጻሕናነዊሕ ተጓዒዝና።
ብዝማእማኣኪ ፍቕረይ ክትምገቢ

እቲ ዝሃርፎ ግን ፍጹም ዘይትህቢ፡
ነገር ባህርን ባህልን ክትከዋውልዮ

ኣፍኢሙ ዝሓብእ ክዳን ትኸድንዮ፡

ክዳን ብግዲኡ፡

ንድሌትኪ ድዩ ተረዲኡ

ወይስ ከርእየኒ ክእለት ሰፋይኡ

የወናውነኒ ቀቀንዱ ሓቢኡ።
ንሱ ‘ሓይሽ

ድሓን ይእቶ ባሕሪ

ጽባቔኡ ዘይብሉ መስፈሪ

“ረኣያ” እምበር “ረኣየኒ” ኣይበለን

ካብቲ ዝሃርፎ ቅንጣብ ኣይከወለን

ጋቢዙኒ እቲ ዝጋበዝክዮ

ሕቚፈይ ‘እትዩኪ ምስ ተሓቖፍክዮ፡
ዓይነይ ተመሲሑ

ብዘይ መቃልዒ

ውሽጠይ ውን ዓጊቡ

ጽባሕ ዝብሎ እንድዒ።
እሞ ‘ባ ዝብለኪ፡

 ምሕንባስ ብቐንዱ

ሕቡኣትና ኸኣ ‘ላመዱ

ኩሉ ግዜ እባ ንሓምብስ!
ፍቕረይ የማን